NALIKA GUNUNG-GUNUNG NEGES
Gunung-gunung
kang padha pating jenggeleg
Aweh
pitakon marang wit-witwn ana sawah lan tegalan
Wit
pari, tela, jagung, kacang padha ora bias jawab
Amarga
padha ora ngerti apa makna pitakone gunung
Apa
sebabe gunung didhuwurke
Luwih
timbang panggonan liyane ing jagad
Kepara
nganti ngaras langit
Pitakonan
kang angel dijawab
Angina
wae ora ngerti
Apa
meneh sato kewan lan para menungso
Sing
bias mangerti among barang kang
Kesimpen
ing dasar bumi,kang ora kasat mripat
Tansah
anteng lan ajeg
Ngangsu
banyu ngliwati woy rambut kang dibelah pitu
Mbok
menewa gunung-gunung kuwi
Kanggo
ancik-ancik para satriya
Nggoleki
sukmane kang mabur
Digawa
para widadari
SUKMA
LELANA GUGAT
Angin
kang mabur kekiteran ing dhuwur samodra
Sesat
tanpa leren ngobahake banyu
Iwak
gedhe iwak cilik padha gumregah
Jumedhul
sakdhuwure ombak
Ilang
suwara mlebu ing akasa
Prau-prau
lelangen nguyak playune angen-angen
Kanthi
jala lan jarring saka sutra
Obor
tathit lan lintang
Sambung
sinambung ing wewangunan jagad
Tapake
iseh katon cetha ing garis tangan
Prasetya
lan prasapa ngumbara
Dadi
omah urang lan kewan segara liyane
Lumaku
manut ilining pasir
Molah
malih njupuk warna cahyaning jaman
Wit-witan
gedhe ngadeg pating jenggeleg tanpa oyot
Angin
lagi thawaf
Ngubengi
kedhaton napas
GELUDUK
MURKA
Dining:
Joko HN
Ora
ngira ing wayah wengi tanpa mendung
Geluduk
jumedar-jumedar gegilani
Lintang
semburat saparan-paran,
Bulan
singitan sawalike gunung
Iki
tandane apa, iki tandane apa,
Sasi
becik, kok ya ana mahluk murka
Ngudal-udal
angkuh lan kadigdayana
KEMBANG-KEMBANG
ADEENIUM
Dining:
Joko HN
Saben
esuk, disawang
Yen
awan cahyane srengenge ora kurang
Wyah
sore, dielus-elus kembange
Abo
endahe ya uripe
Wengi,
cahyane lintang sumilat
Kembang-kembang
adenium tambah eseme
Rasane
kaya ngawe-awe,aja turu disik
Ayo
ngeling-eling lelakon bebarengan
Nanging
raga wis
Sedina
muput mung bingung golek upa
Lali
sapa sing nandur kembang
Lali
sapa sejatine awake dewe
Nalikane
terompet maut keprungu
Kembang-kembang
adenium dadi layu
Luh
tumetes saka mripat kang nyawang
Lan,
ora ana sing bakal ngancani meneh
MALEM
GANJIL
Dening:
joko HN
Kabeh
padha menekung ing punjure urip
Embuh
apa sing diucapke sajroning ati
Malem
ganjil, sing dadi seksining alam
Aja
selak apa kandane suara-suara
Pilih
sugih apa mlarat, pilih luwe apa wareg,
Pilih
sara apa mulya,pilih ayu apa elek
Pilih
pangkat apa drajat,pilih mati apa urip
Pilih
donya apa akerat
Kabeh
suara-suara keprungu ing langit
Ora ana
kang bias nutup-nutupi
Ora ana
kang nalang-alangi
Ora ana
kang gandoli
Ngucapa,ngucapa,ngucapa
Jujura,jujura,jujura
Elinga,elinga,elinga
Sapa
sira sejatine
UMBUL
JALATUNDHA
Umbul
jalatundha
Banyumu
kang bening kindong-kindong
Nambahi
rasa seger wong kang padha ceciblon
Mbuyarake
sirah kang rinasa cekot-cekot
Umbul
jalatundha
Banyumu
kang obah serta kimplah-kimplah
Migunani
marang sawijining gotrah
Kang
sesuci sumedya jiarah
Umbul
jalatundha
Jebol
ing jeromu ana
Sompil
papak kanggo tamba
Tinemu
watu tapak bima
Tidak ada komentar:
Posting Komentar